Notre site gratuit "http://lexiqueprovencal.com" de l'association "l'Espai Miejournau" propose un lexique occitan de Provence, des extraits d'un roman dans lequel l'auteur Pierre Dominique Testa y décrit la vie d'une famille à Allauch entre 1890 et 1995, des poèmes que les internautes peuvent envoyer pour lecture publique, ainsi que des liens de sites en langue d'Oc ou sur la langue l'oc, couplés d'adresses inévitables.
Lei vai-en-guerro ! Lei vai-t-en-guerro ! Mai mounte soun lei fèn-la-guerro, 'Quélei que matràsson la terro ! Si languìsson dei trau d'aubuso, Dei rafalo de mitraluso, E dei canoun largant sèi boumbo Que fan toumba pertout en troumbo ! Mai soun calus, lei vai-t-en-guerro Qu'an pas jamai eima la terro ! Vouélon manda nouéstei jouvènt Dins leis ubac ounte lei vènt De longo sèmpr' en brefounié Bóufon bèn pu fouart qu'à Planié. Mai soun fouele lei fai-la-guerro, Nous van aneienta la terro ! 'N i a doues que si soun mes à taulo Pèr chascun prene la paraulo. Un tresèime l'es puei vengu Qu'èr' óublidous de soun degu. Tant mau viesti, lou l'ai-la-guerro, Semblavo de sourti de terro ! Tre la debuto rebriquè Que Trump subran si n'engritè, Li diant de marma soun caquet, De far silènci, d'ista quet ! L'autre, mouquet, lou bousco-guerro, Si teisè nèt, brafant de terro ! A Londre just lou lendeman Partè lèu lèu jougnènt sèi man, Esperant bèn que sèi senglut Esmòuguèsson lei vint darut ! E lou Poutine, gagno-guerro, Qu'aparè dóu Doumbas lei terro, Risoulejè de touei lei vèire Tant rafouli, tant empegnèire, Despuei que la grand' Americo De l'Europo lachè la clico ! E Zelinski, lou perde-guerro, Qu'es riche de sèi drùdei terro, 'Mé sa mino descounsoulado Faguè à chascun l'acoulado, Dei poutoun à Macron Brigito, Emé soun èr de gato-mito ! E anèn zóu : parlèron guerro, Pau si soucitant de la terro ! Van der Layen deis ue d'arcié, L'amaniaguè tau 'n óuficié, L'assegurant que farien blot Duguèsson roumpre l'esquipot ! L'endeman, lou fouel'-en-guerro Que si 'n enchau bèn de la terro, Faguè sus lei media bourdiho Un devis long de bavariho, Ounte quàsi entre soun dire, Parlè de guerr' em' un sourire ! Tout' aro, lèu, lei troup'-en-guerro Van trepa tóutei nouéstei terro, Emé sèi char, van tout creba, E lei fatur' escavassa, Bessai van rausa lei bastido E nouéstei mas à l'assalido. 'Quelo colo de dai-la-guerro Qu'arrouino nouesto vièio terro, Es facho, rai, de piho-càmpi, Qu'an puei chascun pèr tout escàmpi, D'anouncia dei gràndei batèsto Pèr defugi touto countèsto ! Pas proun de far póu 'mé sa guerro Vouélon l'argènt emai lei terro ! Aquéu de cóup, capoun de garço, Meritarien tóutei lou carce : Vouélon rauba nouésteis espràgni Que tròbi 'cò dóu tout estràgni ! E si garmóuion de la guerro À vougué chabi nouéstei terro. Mai, esperas, sabès pas tout, Qu'acò va crèidon de pertout : S'assèmpron jouious entr' elèi E tout soulet, fàrgon si lèi ! Mai quouro espetara sa guerro Metran tóutei ginoui à terro Levant la tèsto, z-ue au cèu Leis bras en crous sout l'escrouncèu, Á z-auto voues, pregaran Diéu De li manda encar soun Fiéu ! E lei veirèn lei bavo-guerro Coucha pèr sóu à plato-terro, Que riran pu vo pulèu rose Á si traire belèu à Rose, Car auran la vergougn' au nas Lei viei coumo lei jouvenas. Auran bello lei jogo-guerro Si tarnassa au sóu pèr terro : Ges de pieta pèr 'quéli gus Que nous an fa póu à noun pus, Cercant dei voues pèr d'eleicien : Vaqui verai soun ambicien ! Lou nas de cóucou, part-en-guerro Que l'esbravach' un cimeterro Si crèi 'ja de nouéstei nacien N'en ourdi qu'un', à coundicien Que n'en siguèsse presidènt Qu'acò nous parèiss' evidènt ! Que croio, 'quéstei vé-la-guerro Qu'an cresu que sus la terro L'Europ' èro un grand jue de quiho, Sèis estajan, puei, dei joubiho, Que bastarié sus d'uno mapo De lei coursa à trapo trapo ! Urousamen que pèr sa guerro Qu'abrandarié touto la terro, Faudrié d'argènt à plen de tasco Vo coum' un vèntri de tarasco, Doumàci pèr fourma 'n' armado D'or e d'argènt fau à palado ! D'un coustat, Trump lou Sènso-guerro, De l'autre Poutin' e lei terro De sèi frair' rùssi dóu Donbas Que cèrcon de faire la pas E au mitan nouéstei dounzello De cap d'estat, 'mé sa favello ! Coumo s'endevendra sa guerro Que sié disènt, sus nouéstei terro, Banejo 'mé sa sourdatesco Acoustumado à sèi pradesco, Emé sèi char, einouàrmei càrri, Que sènsa rèn li fai embàrri ! Que s'arrèston, emé sa guerro Aquélei fouele, tremo-terro ! Oubran toueis ensen pèr la pas, Aquesto pas qu'es un roucas, L'apeoun de touto nacien Que vóu viéure sèns ahicien. Pierre Dominique Testa, ALLAUCH lou 12 de mars 2025 
|
 |
 |
|
Demoucrate. (Pierre Dominique Testa, lou 18.1.2020) |