Lou leissique prepausa es pas brico un diciounàri ! Aqueste leissique recampo uno chausido de 28000 mot, espressien idioumatico e gramaticalo multiplo, triado pèr letro alfabetico, francés => óucitan de Provènço, ou óucitan de Provènço => francés, e pèr rimo óucitano. Foueço mot, autre qu'eissi dóu dialeite prouvençau, soun presènt dins aquéstei tiero d'aqui e escaraion l'evoulunamen entre-dialeitau de l'espalargue leissique óucitan d'encuei.

Apartèn eis utilisaire de verifica la justesso de l'ourtougràfi dans sa grafio respetiéuvo, la justesso dóu sèns, lei diferèntei matisso, e la prouvenènci de chascun dei mot. Pèr ço que n'es dei mot eissi dóu Tresor dóu Felibrige de Frederi Mistral, ( vèire Edicien Marcel Petit au 04.90.98.45.45 ) lei vesitaire soun counvida de recounoueisse lou paginamen dóu proumié vo dóu segound voulume d'aqueste diciounàri.

Pèr la precisien founetico dei mot, es fouartamen counsiha de si referi ei tèste escrich avans l'institucien des grafio mistralenco e alibertino, d'escouta e d'interouga de loucutaire naturau, e de refurna dins leis enregistramen serva dins lei cèntre d'ouralita óucitano, coumo l'Oustau de Prouvènço de z'Ais, pargue Jourdan, 04.42.26.23.41.

Tout vesitaire en cous de redacien d'un tèste en proso vo en vers, pòu à tout moumen si religa à noueste sìti d'à gràtis, e ansin avé la poussibleta d'acedi à 20000 mot divers dins lou sèns double de recerco. Tout pouèto pourra trouba ansin la rimo que li desfauto lor de l'enjamen de sa sieuno pouesìo simpletamen s'enmerço la founcien " rimo ".