Aqueste siti http://lexiqueprovencal.com es uno deis animacien d'uno assouciacien dicho " L'Espai Miejournau ". L'assouciacien es iscricho ei cartabèu prefeitourau de Marsiho e municipau d'Alau, dins lou revirun Culturo. A pèr voucacien principalo lou desgouloupamen de la culturo prouvençalo pèr lou biais de sa lengo, partido dóu grand espàndi óucitan, pèr soun ensignamen, e subre-tout pèr la mantenènço de soun ouralita au quoutidian.

L'assouciacien " L'Espai Miejournau ",

- prepauso à sèi sòci desempuei sa creacien lou 29.1.2003, de cous de lengo d'Ó prouvençalo en grafìo mistralenco, chasque dissate de matin entre dès ouro e miejour, aleva dei vacanço escoulàrio e d'impoussibleta majouro, pèr lou couest de 55 Euros pèr l'annado, vo pagamen à la sesiho de 7 Euros lei doues ouro. Lei cous soun fa de longo en provençau, sènso degun destriamen entre lei coumençaire e lei gèns counfirma. Chascun a de prene la paraulo pèr s'espremi en Ó, perfin de mete en pratico sèis aquesimen persounau e lou fru de sèi quitei recerco leissicalo, istourico e culturalo. Chasque sòci pourra  proudure quouro n'a l'envèjo e la desèjo, un espausat en lengo d'Ó sus l'itèm que voudrié escaraia.

- prepauso, de mena de chourmo d'escourrèire dins lou massis de Garlaban  e de parla dei couelo e de sèi souergo en lengo óucitano prouvençalo pèr uno tarifo de 150 Euros la journado. Lei desparturo si fan sèmpre sus la plaço de la Glèiso, bèn davans la Coumuno au couar dóu vilàgi.

- prepauso, parieramen, fouero escoutissoun em' un còsti pèr l'animaire de 150 Euros la journado, d'escourregudo en Queiras vo en lue, mai souncamen parlado en lengo d'Ó.

- prepauso, de sesiho dins leis escolo, classo tout nivèu, pèr d'esplico espepissado sus lou sicut de la lengo d'Ó, pèr 25 Euros l'ouro. Aquesto ativeta si pòu faire siegue en francés siegue en óucitan prouvençau.