Notre site gratuit "http://lexiqueprovencal.com" de l'association "l'Espai Miejournau" propose un lexique occitan de Provence, des extraits d'un roman dans lequel l'auteur Pierre Dominique Testa y décrit la vie d'une famille à Allauch entre 1890 et 1995, des poèmes que les internautes peuvent envoyer pour lecture publique, ainsi que des liens de sites en langue d'Oc ou sur la langue l'oc, couplés d'adresses inévitables.
Gigant d'aubre.... Gigant d'aubre.... Vèn de toumba l'aubre gigant Escrachant tout dins sa casudo, Abroues, féugo, moufo, vergant, Lei flour e leis aubret e la bruèio menudo. S'es leissa faire lou gigant ; Soun vengu sèns tarabastèri, 'Mé sèi picoss ' e arc-butant, Sèi resso longo e sèi cougnet e sèi pau-fèrri. Sènso muta, an mes au sóu Sèis istrumen, sèi pouet de graisso, An regacha soun cabassóu, E l'ue tristet, s'aubourant puei, sèns tiro-laisso, S'en van cana soun pège grand Pèr n'en counoueisse puei l'auturo A biais que de soun balandran Pouésquon saché e soun aviad' e sa mesuro. Sèns trasteja, 'mé sèi destrau Màndon sèi cóup ; sango sa plago, E à cha v' un dins un brus rau, L'aubr' à l'agòni, frenissent, soul si devago. Un grand silènci, un fracas ! Dins sa toumbado, un terro-trèmo Que destragno dins lei bouscas, Leis aucèu dins sèi nisau, puei tout devèn sèmo. Lou viei aubras es sus la terro Que jai inerte, que jai mouart. Es lou vinsu d'aquesto guerro Ount desempuei la nue dei tèms, l'ome es pus fouart. Pecaire : a pas crida sèbo ! S'es leissa faire, debissa, E lei cepaire fan la bèbo, Coumo s'aguèsson degu soun fraire, lou trissa. Alor à la lèsto, l'espèçon, L'esbràscon, li dóuston lou ruscas, Lou revèsson, l'escabèsson, E sèi broundo, lei tróunçon que n'en fan dei buscas. Anas pas crèire que defunto E que soude lou vermenié, Sa mouart dins la séuvo l'encunto ; Es mau counoueisse lou viei qu'es à l'agounié. Dins gaire va mai respeli Pas ges dins sa raubo de lègno Mai sout lou geste acoumpli D'un capusié bèn engaubia fouero racuègno. Alouro lou veiren lou gigant Adès sus lou sóu sènso vido, Muda en mobl' embriagant, Doumàci sèns brus aura fach sa respelido. Pierre Dominique Testa, Allauch lou 20.5.2023. 
|
 |
 |
|
Peço d’artifìci (Martine Gonfalone) |