accueilauteurassociationlexiqueouvragesassociationliensliens

Notre site gratuit "http://lexiqueprovencal.com" de l'association "l'Espai Miejournau" propose un lexique occitan de Provence, des extraits d'un roman dans lequel l'auteur Pierre Dominique Testa y décrit la vie d'une famille à Allauch entre 1890 et 1995, des poèmes que les internautes peuvent envoyer pour lecture publique, ainsi que des liens de sites en langue d'Oc ou sur la langue l'oc,  couplés d'adresses inévitables.

Lou Cifèr !!!












Lou Cifèr !

Si tèn uno lèngo de sèrp
Qu'à cóup segur es un cifèr,
'No mèno d'estraviaduro
Qu'àimo noun pas la jouventuro,
Mai lei bèn viei que soun panard
Lei basarèto emai lei couard.

E se si douno proun deis èr
De santeta, lou capoun-fèr,
Vous diéu qu'en verta, la craturo,
Es uno desgoubiaduro,
Just boueno pèr enja l'impar,
E semena per tout l'amar.

A bello sembla disavert
Pèr la bourroul' es un espèrt.
Dins lei carrièro, a bell' aluro
Emé soun vèntri, sa tounsuro,
Mai dins sèis ue que soun viscard,
L'a l'ahirançp dei roublard.

Dins lei boutigo, lèngo-tuèrt,
Mando soun rire de mau-cèrt,
Coungrèio l'embeguignaduro
Emai siguèsse qu'uno luro,
Encò dei mouele qu'an d'esgard
Rèn que pèr li que soun preclar !

De fes que l'a, d'un pas austèr
Viesti de nègre, lou cafèr,
Vai dins la glèis' e voues escuro,
Suc reclina, 'quest' estraturo,
Aujo prega Dieu, lou cournart,
Maugrat lou mau que traie larg !

A bello juga lou disert
'Mé sèi riset escalabert,
Quouro predic' en perfiluro,
'Mé dei fraso sèns grand auturo,
Es un bourdihas, un jóubar
En bousco d'auriol' e de flar !

Mai vé, se mi baio lei nèr,
Siéu pas lavènti, ai bouen cuèr.
Pèr si fair' uno carraduro
Qu'aguèsse proun d'envergaduro,
M'a cassa de moun temple car
Cresènt de mi nega en mar.

Mai s'engano lou mau lusèrt,
Emé sa facho d'arnavèrt.
Car, capelan, peis de caturo,
'Queste prèire d'envejaduro,
Dins lei fielat à tèms vo tard
Es lou regau dei galavard !

S'es tremuda en lucifèr
Lou paure gus deis ue esquèr.
Sa gau es moun umiliaduro
Qu 'esmarjo de sa traïduro,
Mai vèn un jour que sus d'enart
Caira sa tèsto dins l'eissart.

Pierre Dominique Testa, lou 11 de setèmbre 2021.
*

*
Secarèsso de printèms. (Pierre Dominique Testa, lou 7 mai 2011. )