Lexique Provençal

Dans cette rubrique, des poèmes sont offerts à la lecture des internautes.

Lou Pastre.

Moun Pèro,
Coum' es bèu, dins l'argièlo, toun vièi pastre gibla .
Dins lou vènt, capèu bas, émé seis ue nebla,
Camino, silentous, en bousco de soun Diéu .
Eme soun grand bastoun, sa biasso, dins lei niéu,
Rejoun, dintre sei bras, sarro l'agnèu lanu
Qu'esto nuech dins la glèiso, s'escound emé Jesu .
Sa jargo voulastrèjo . La nèu revoulunèjo .
Maugrat lou pes deis an, lou pastre s'adraièjo .
A d'arrié, soun troupèu, coum' un long cabedèu,
Mouvèjo seis oundado au bruch dei cascavèu .
Soul dins l'escuresino, lou bergié, prego, canto .
" vai li, bèu pastre, vai …", de sa vouès boumbounanto
sousounèj' un trevan que si mòu dins leis astre .
" t'espèro Lou Bouèn Diéu…", li bisbiho bounastre .
Vaqui que viéu toun pastre travessa Betelèn .
Pico à toutei lei pouarto . S'atubon lei calèn .
Dins lei carrièro touarto, leis androuno, venello,
Lei countro-vènt craïnon . Dins lou cèu plen d'estello
Parèisson à cha uno, de caro entrassounado
Que cridon " taiso-ti, badalas, émé toun anounciado ! "
Mai éu, entestardi, li respouènd que mai fouart .
" Gloria, Gloria…" mando de tout soun couar .
A sa seguido, puei, l'escabot voulountous
Ersèjo dins l'amèu soun riban de velous .
Lou vièi pastre de longo li vai toujour d'avans .
Lei frumo, leis enfant e leis ome d'un lans
Sus sei piado, afouga, fouarmo un grand roumavàgi,
Que vèrs l'Estable Sant, ounte canton leis àngi,
Dirias qu'uno vìo lachènco, samenado d'estello,
Larg' à bèl èime la pas, à plen de canestello .
A de rèng, d'aboucoun, si prousternon lei gèns .
De Marsiho, d'Alau, de Senas, de mai luen,
Davans l'enfant neissu, s'agenouion, remous .
L'ai e lou buòu, jacu, d'un alèn menimous,
Recaufon dins la grùpi, l'enfant qu'es tout jala .
La Santo Vièrj' aclino, soun èime bourrela,
Arregardo soun Fiéu, que douar embourrassa .
Jousé, manse toujour, uno brigo alassa,
Countemplo de Marìo, lou rebat de seis ue .
Enfin lou Pastre Sant, pauvo lou cachofue,
Dins lou bres mèt l'agnèu, lèvo soun grand capèu,
E sènso quinca mot, plourèjo creserèu .
Coum' es bèu toun bergié, leissen-li soun encastre .
A lou regard de Diéu, que jogu' emé leis astre .
Seis ue soun blu, cihu, pregound coumo la mar .
Si miraièjon, dous, beluguet, sèmpre clar .
O, Moun Pèro, que l'àimi toun pastre, dins lou vènt,
Gibla, enmantela, roumiéu, que calourènt,
Mi mèno dins lou cèu canta émé leis àngi
Retrouba de moun Diéu, la divino lausangi .

Pierre Dominique Testa lou 24 de decèmbre 2004 , pour Pierre B .

:: LES POÈMES ::

Chaque visiteur peut nous envoyer un texte de sa composition, quelque soit le dialecte, quelle que soit la forme poétique, le registre, et la graphie. Il lui suffira de le saisir ci-dessous. Nous nous réservons le droit de ne pas mettre en ligne tout texte trop long, ainsi que tout texte hors des limites de la décence ouverte au public.
titre
texte
auteur
e.mail
1 + 1 ?