Lexique Provençal

Dans cette rubrique, des poèmes sont offerts à la lecture des internautes.

A Segne GARDY, proufessour d'Occitan à la facurta de letro Paul Valery de Mountpelié.

Lei rèng an clarseja, doumàci la glacino .
E l'escoulié s'endouar, s'encauno, s'ajassino .
Defouero, la nèu, de blanc touto estransino,
Cuèrbe de soun mantèu, la mendro dei champino .
Alin, devèrs la mar, lei grands erso marino
Demòni tourmentau, cavon founs de toumplino
Qu'un soulèu palinèu, en fóusquei maroumbrino,
Recasso miraiant en milanto estelino .

Entremen, dins la classo, lou proufessour s'enausso .
Defouero es marrit tèms, pamens l'a rèn qu'uiausso .
D'aise, la nevaraisso, danso, si bindausso,
Mounto plan planet sèi cougnièro, s'espausso,
Boufèjo sèi floucoun, subran puei si rebausso .
Sus leis aubre, lou riau, l'amèu, alours s'encausso,
Descadèno sei pian, e fouelo, si desbausso,
Dóu cengle que deja de soun vèu prèn la sausso .

Quouro sus lou pountin, quouro dins l'espoundièro,
Noueste brave ensignaire, tau lou pacan sus l'ièro,
Clamo d'Augié Gaillard, la lengo rebroussièro .
Jamai las dóu pouèto, degruno en tirassièro,
A cha uno epistòlo, lei vèrs gusas, qu'entièro,
Senso pas si n'en faire, se, sus sèi couissinièro,
Lei jóueineis escoulaire, relucon la carrièro,
Mounte la nèu, de longo, encuco sei boutièro .

Chut…Tèisas-vous…Chut … Es tan grand, quand debano
Lou fus d'uno bello obro . Vous la pouarge abelano,
Refoufanto d'enfus, d'argagno, de poucano,
De patricot sens noum, de ditoun, de chicano,
Que dins un vira d'ue, simbela, vous emplano,
Dins un mounde enfousqui, mounte la masco dano,
E jito un escumenje fèr que vous trepano,
Vous caio lou sang, lei sèns, e trèblo la lugano .

D'aquesto fernissoun n'en sian puei tout crama .
La voues de Mèstre Gàrdi, pèr fès quouro es gama,
S'enrauco, si fendasclo . Ve-lou, desparmouna,
Coumo subran, s'enanço, e d'un geste espauma,
Nous mando dins douei mot, d'un envanc qu'a marma,
Lou trefouns dóu Banquet, emé soun Rèi tuma
De la refouarmo, soun pouarc, sei Baroun tant pima,
Qu'a coussegui Augié, pèr viéure subruma .

Alour, descounouissu, l'Augié es devengu,
Maugrat sa pichoutesso, à soun juste degut,
Un escrivan de trìo, e noun lou pervengu,
Que d'ùnei l'an taussa, sens n'èstre counvengu,
Lou mitadié groussié qu' aurié pancar resòugu,
Soun essicoulougio, soun dintre restengu,
Sei visto religiouso, soun estrantai mougu .
" Augié, tu m'as encuei, proun bèn escoumóugu ."

E tu, Lilian Oulivié, moun ami de Mountpelié :
Vènes de destousca dins lou trast d'un clouquié,
Un vièi libre estampa pèr un ami d'Augié,
Qu'en milo vue cènt quaranto tres, maudespié
Sei destrataire, sèi nemi coustumié,
Rejougniguè en garbo sèi vèrs tant bartassié,
Que vuei mi pouarges, que n'es uno foulié,
Dins ta lengo que semblo un pouèmo radié .

Mai d'acò, sian devèire à nouèstou proufessour,
Que fouero sa sournuro, davèro emé baudour,
Leis obro pouetico, lei pèço deis autour,
Rescoundudo pèr fès, dins d'asprei bescountour,
Que sèns éu l'istarien pèr milanto cènt jour .
Osco z'à vous, Moussu Gàrdy,
Osco z'à vous pèr toujour,
Pèr sauvaire que sias de nouésteis ancessour .
Pourtessias, encaro luen, sa vieuvo reflamour,
E que dins vouéstei piado, vaguessian vèrs l'assour .

Pierre Dominique Testa, le 16 12 2005 à Mountpelié, entàntou lou cous de literaturo óucitano de Moussu Segne Gardy, sus l'obro d'Augié Gaillard de Rabastèns au tèms de la refouarmo, que Lilian Olivier de Roudes en Rouergue mi pourgè soun vièi libre pèr

:: LES POÈMES ::

Chaque visiteur peut nous envoyer un texte de sa composition, quelque soit le dialecte, quelle que soit la forme poétique, le registre, et la graphie. Il lui suffira de le saisir ci-dessous. Nous nous réservons le droit de ne pas mettre en ligne tout texte trop long, ainsi que tout texte hors des limites de la décence ouverte au public.
titre
texte
auteur
e.mail
1 + 1 ?