Lexique Provençal

Dans cette rubrique, des poèmes sont offerts à la lecture des internautes.

Secaresso...

Lei pous soun asseca, la terro fendasclado,
Lou fueiun deis aubras e leis èrbo dei prado
Soun rima à tau poun que si creirian au mès
D’outòbre de nouvèmbre, que la naturo a mès
Soun raubun de doulour avans que s’endourmèsse
Enjusqu’ au tèms de primo, qu’enfin si revihèsse.

Qu’es tristas de gacha la como dèi grands óume
Si despuia pecaire, à n’en avé lou fóume.
À cha jour sènso pluèio, clènchon que mai soun cap
E que siegu’ à Marsiho, à Sisteroun vo Gap,
Lou fach es de nouta : l’ a uno secarèsso
Coumo jamai l’aguè d’un’ escars’ estragnèsso !

Lei vaco dins lei couelo mourrèjon, fan lei bato,
Cavon lou sóu eissuch, e d’eicito e d’eilato
Espèron d’ atrouba dins un trau un adous
Que li sourgentarié l’eigàgi deis afous,
E perque pas d’eiguèto, fresco, emai lindouso,
Que li fague soun chale… O souergo pietadouso.

Mai noun ! Es un manse pantai l’aigo clarèto,
Doumàci quest’ annado, aleva la mouièto
Que mandè Sant Medard, e soun frai Barnabèu,
Despuei lou mès de mai l’aguè qu’un tèms plen bèu
Sènso un degout, sèns blin, sèns’ uno boueno raisso
Que pousque rafresca e aseiga li baisso.

En qu s’apren ? Bessai en degun ! Bessai pas !
Qu es, que sèmpre mai, mi n’en rencurés pas,
Vóu touto cavo grando, e toujour en abounde ?
Qu es que de countùni vóu doumina lou mounde,
E vóu puei pus que tout, pèr tout bèn lou demai,
Lou crèis, l’agrandimen que s’acabo jamai.

A dicho de vougué mestreja la matèri,
De far de l’espandimen lou soul dei critèri,
Que pouesque vidima la mèndro deis acien
Un quicon d’evoulun gandi pèr l’ambicien,
La terro nous vóu pus e lou cèu prene ràbi,
La mar s’en parlen pas, si vuèj’ à ço que sàbi !

E noueste manjadou, n’en avèn fach un erme !
Segur que counoueissen de l’univèrs lou terme,
La mèndro galacío. E lou luenchan noun-rèn,
Pecaire, dins la sciènci n’es rèn qu’un quaucarèn
Que si l’aprivadan em' uno teourío
Qu’óublid’ à cha moumènt qu baio l’energío.

Manjan tout à palàfi, mais sènso goust ni gousto.
Dins lou góu de Marsiho, s’escàpon lei lingousto
En de lue mai próupret mounte pouésquon sèis uou
Lei mete à la sousto, e mounte leis óuruou
Lei rascasso l’aurado, emé touei lei chatèli
Vívon en accourdanç’ au mitan deis arcèli.

Pouédon nous n’en fassi dei soumet counferènci
Sus lou climat dóu boulard, sa circounferènci.
Farian miour de viéure dins lou coumpes dei sèns,
Dins la tout’ armounio entre lou mai lou mèns,
Pulèu que de vougué sèmpr’ à tout’ abrivado
Counsumi toujour mai fin qu’à la trebastado.

Vàutrei lei farfadet, lei Sant, lei Damo Blanco
Leis Esperit Divin, lei Fado, Divo franco,
Venès adeiçàbas ; soun touei descadrana qu’an perdu la canturlo
Que si prenènt pèr Diéu, soun puei descaussana, countant rèn que dei burlo.
Venès sauva la terro, dounas li l’Aigo Vivo
Aquesto que dóu Cèu cavalisco lei Nivo.

Pierre Dominique Testa, lou 11 d’avoust 2015.

:: LES POÈMES ::

Chaque visiteur peut nous envoyer un texte de sa composition, quelque soit le dialecte, quelle que soit la forme poétique, le registre, et la graphie. Il lui suffira de le saisir ci-dessous. Nous nous réservons le droit de ne pas mettre en ligne tout texte trop long, ainsi que tout texte hors des limites de la décence ouverte au public.
titre
texte
auteur
e.mail
1 + 1 ?